| 2014-10-27 17:51:37 JOŠ MALO O KVARNERIĆU Ovogodišnji Kvarnerić našoj je školi donio vrijedna priznanja. Uspjeh je tim veći što smo sudjelovali prvi put. Uzbuđenja nije nedostajalo ni među onima koji su sudjelovali i vrijedno uvježbavali nastupe, ali ni među onima koji su zdušno pljeskali i navijali za svoje favorite. Pročitajte kako je uspjeh svoga brata doživio Adrian Sirotnjak, učenik 4.b razreda.
K V A R N E R I Ć Komać san čekal da pride i taj vikend da gren na Kvarnerić. Aš to je puli nas doma već bilo prestrašno. Onaj moj brat je po celi dan Čreršnjicu navijal i sopal na harmoniku. Mislin da su pjesmicu navadili i moji susedi aš su kad on sope poneštri bile otprte. Mat je zivučevala stomanji, ovu pa onu. Pa kupi mu novi postoli kako da gre na Euroviziju.
Hvala bogu, prišal je i taj dan. Smo ga kumpanjali na kurijeru i čekali da pride šest ur i smo partili va Matuji. Nonići su bili zaduženi za Reku. Keh judi! Nisan baš tako zamišjal. Si teču semo tamo, baloni, reflektori se pale, muzika, a tek pozornica. Ma kako da će bit Eurovizija.
Počelo je. Naš zbor i zbor z Matuj pratili su se pjesmi. Bome imeli su čuda dela. Naši su kantali dvanajsti po redu. Poprtili su se na pozornicu, otkantali i otancali. Moj brat je rastezal harmoniku, a Đeni je sopla klarinet. Ma saka in čast. Toni i Martina su kantali ko da su kosići. Bil san kontenat i ponosan ča moren reć da su z moje školi, a Martina z mojega razreda. Saka čast! Sav trud se je splatil. Šli smo doma si zadovojni aš smo nagradu dobili. Ča je najboje, zajedno drugi dan na Radio Bakar naručili su našu LOVRANSKU ČREŠNJICU. Adrijan Sirotnjak, 4.b
|
| Osnovna škola Viktora Cara Emina Lovran |